Qoca və şahmat taxtası

Kratos səyahəti zamanı bir çox fərqli yerləri ziyarət edib. Bu gün o, yolunu azaraq kiçik bir kəndə gəlib çıxır. Burada ağsaqqal bir qoca ona sığınacaq, yemək və gecələmək üçün yer təklif edir. Əvəzində qoca yalnız bir şey istəyir — onun üçün bir şahmat taxtası hazırlamaq, çünki bu oyunu çox sevir.

Qocanın $n$ ağ və $m$ qara $1\times 1$ kvadratı var. O, bu kvadratlarla ənənəvi $8\times 8$ taxtası deyil, mümkün olan ən böyük kvadrat taxtasını hazırlamaq istəyir. Bu taxtanın birinci kvadratı ağ, ikincisi isə qara rəngdə olmalıdır, yəni yan-yana olan hər hansı iki hüceyrə fərqli rəngdə olmalıdır (bu zaman künc hüceyrələri adi şahmat taxtasından fərqli olaraq həm ağ, həm də qara ola bilər). Kratos qocanın niyə belə bir taxta istədiyini tam anlamasa da, mübahisə etmədən işə başlayır. Lakin, riyaziyyatla arası yaxşı olmayan Kratos üçün kvadratın tərəfinin uzunluğunu tapmaq çətin bir işə çevrilir və o, sizdən kömək istəyir. Ona kömək edin — mövcud kvadratlarla düzəldə biləcəyi maksimum şahmat taxtasının tərəfinin uzunluğunu tapın.

Giriş verilənləri

İki tam ədəd $n$ və $m(0\le n,m\le 10^9)$ — müvafiq olaraq ağ və qara kvadratların sayı. $n+m>0$ olduğu təmin edilir.

Çıxış verilənləri

Qocanın malik olduğu kvadratlarla düzəldə biləcəyi maksimum mümkün kvadratın, şahmat rənglənməsi olan tərəfinin uzunluğunu çıxarın. Kvadratları, əlbəttə ki, hamısını istifadə etmək lazım deyil.

Nümunələr